२५ साउन, काठमाडौं । नगरकोट १२ बाघमाराकी सुनिता तामाङलाई अस्थायी घर निर्माण गरी हस्तान्तरण गरिएको छ । भूकम्पकै कारण आफू बस्ने घर भत्किएपछि समस्यामा परेकी सुनितालाई युथ एक्सन नेपालबाट गएका स्वयंसेवक ‘(क्वेक भोलेन्टियर)’ ले अस्थायी भवन निर्माण गरी बसोबासको व्यवस्था मिलाएका छन् ।
बाघमारा गैरीगाउँकी २२ वषिर्या सुनिताका श्रीमानले एक वर्षअघि नै आत्महत्या गरी ज्यान गुमाएपछि उनी एक्लै बस्दै अाएकी छन् । श्रीमानको मृत्युपछि सासु ससुरासँग राम्रो सम्बन्ध नहुँदा उनी गाईबस्तुको गोठमा सानो खरको झुपडी बनाएर बस्दै आएकी थिइन् ।
प्रकाश भण्डारी, सुनिल सुवल, माधव घोरासैनी, लेखराज कार्की, सुविन सुवल, अाषिक यकामी, राजन ज्ञवालीको टोलीले एक हप्ता लगाएर बाँस र जस्ताको अस्थायी भवन निर्माण गरी शनिबार सुनितालाई हस्तान्तरण गरेका छन् ।
प्रकाश भण्डारी, सुनिल सुवल, माधव घोरासैनी, लेखराज कार्की, सुविन सुवल, अाषिक यकामी, राजन ज्ञवालीको टोलीले एक हप्ता लगाएर बाँस र जस्ताको अस्थायी भवन निर्माण गरी शनिबार सुनितालाई हस्तान्तरण गरेका छन् ।
भवन हस्तान्तरणपछि खुसी भएकी सुनिताले भूकम्पको पीडा भूल्न नसकेपनि अस्थाई घर तथा विभिन्न क्षेत्रबाट भएको सहयोगले बच्चाहरुलाई ओतमा राख्न र रात कटाउन सहज भएको बताएकी छन् । सुनिताको भनाई उदृत गर्दै स्वयमसेवक प्रकाश भण्डारीले भने-‘यहाँ भन्दा ठुलो सहयोग के नै हुन सक्छ र घरबास नभएको अन्जान एकल महिलालाई घर तथा समाजले गर्न नसकेको सहयोग गर्नुभयो ।’
सामाजिक क्षेत्रमा काम गर्दै आएको युथ एक्सन नेपालले स्वयंसेवक परिचालन गरी भूकम्प प्रभावित क्षेत्रमा गएर अस्थायी आवास तथा राहत सहयोग गर्दै आएको छ ।
२०७२ साउन २५ गते ८:२८ मा अनलाईन खबर डटकम मा प्रकाशित
